Aquarium Musig: PL / Lyrics: Redl
En Film lauft ab in Schwarzwiis wiis grau schwarz uf de Wand staht peace peace für de Maa wo a de Wand verbiilauft de Friide uf dere Wand hätt sich de Platz nöd kauft und wiiter gaahts im gliiche Takt d’Schtrass derab gäg abschtrakt de Wäg wird gführt d’Schine sind glait de Bahnhof isch bekannt und nur die händ versäit wo de Bahnhof nöd findet, unterwägs verschwindet vom letschte Zug churz vor zwölfi abspringed d’Kamera lauft wiiter dänn bliibt sie schtaa mentig morge am halbinüni 7000 Lüüt und euse maa aha alli unterwägs babylon city rueft wer isch wo de bescht das wird huett prueft auf er isch unterwägs zum Wäg zur Arbeit wie gsait Schwarzwiis nüüt vo Heiterkeit aber allzeit bereit, luscht oder unluscht was für en Fruscht hinterfröge umeschuscht mer isch ja schliesslich froh en guete job ueberzchoo und so isch er happy, huetzutags sowieso und drum isch er auf pünktlich am mentig muenmer halt aber irgendöppis hätt en gstoppt irgend so ae höcheri Gwalt er chann sich’s nöd erchläre wieso das er da staht es Schaufeischter und drin staht en Fernsehapparat en schwarzwiise Spielfilm es dunkt ihm es bizzli komisch schwarz wiis Aquarium farbigi Rumblefish STISCH! Es haut en flach er fangt jetzt a z' studiere warum nur die Fisch farbig sind probiere z’eruiere ziemlich irritiert aber am Schluss wird’s doch no klar er gseht sin eignene Sinn und merkt das isch ja wahr d’Stars sind die andere sie schwümmed hinderem Glas nur ussedra isch's Tod und nur sie tuend glänze das isch es ja ebe er gseht das erscht jetzt die farbig Wält isch gfange, gfange vomene Netz die Fisch die sind nur chlii doch sie choented doch no gföhrlich sii und drum hinders Glas es bliibt debii er dreiht sich und flüsst wiiter mit em Strom mit 7000 andere Lüüt niemert gäge d’Norm und dänn aber hä was isch dänn das en alte Maa mit Bart staht im Gras de red mit emene Baum doch niemert interessierts nur eine i de Masse hätts bemerkt kapiert es isch windstill i de Stadt doch de Baum bewegt sich de Baum red mit em Maa isch denn das möglich viellicht es lache wie niemert im Gsicht nur er und sini Wält e ganz en eigeni Läbensgschicht euse Maa luegt wiiter und gseht grad nomal e Gruppe jungi Lüüt ganz andersch als normal sie schtönd under e Brugg und luegt vorzue ue en Zug fahrt ueber d’Brugg sie händ e riese Fuehr de Zug isch nueme so wie er emal gsii isch nei er gliicht me amene farbige Rumblefish oise Maa merkt er hätt das vorher doch grad gsee die Fisch im Aquiarium det im Fernseh sie lüüchted und händ Kraft s’ Füür isch no am bräne mit de normale Gsellschaftsauge chasch das nümm erchäne 10 minute spöter de maa mit Bart isch verschwunde umringt vo wisse Chittel dreiht er jetzt sini Runde und unde de Brugg die junge Lüüt sind furt Kurt de jüngschti Polizischt hätt neui Strich am Gurt die Fisch die sind nur chlii doch sie choented doch no gföhrlich sii und drum hinders Glas es bliibt debii
|
