Billetkontrole Musig: PL / Lyrics: Redl Es chunnt mir so vor wienä halbi Ewigkeit d' S-Bahn isch gheizt die chalti Landschaft verschneeit di letschtä paar Wuche häsch alles anderi gseh di dunklä Auge i däne Gsichter vergissisch niemeh glaubt a d' Gerächtigkeit dänn händ's di inegleit eis vo denä Chinde hät dir das det ämal gseit vo Neuem häsch es gseh weniger isch halt doch meh d' Stärchi vo dä Armuet im Innere loderet d'Gluet du studiersch und bisch am dänke im Geischt immer na deet aber du fahrsch i dä S-Bahn sanft wie imenä Bluemebeet dä allererschi Morge s'isch halt zimli knapp worde für s' Billet hät's nüm glangt dä Stutz na i dä Hand doch es wird doch wohl nöd scho am hütige Tag oh-oh-ebä doch da chömed's wienä Plaag "Grüezi mitenand, Fahruuswiiskontrolle" du mit dinere Gschicht und d' Hand na volle Cholä z' viertä grinsed's blöd wieder eine vo denä sie seged so grüehrt es chömed nä fascht d' Träne aber 60 Franke bitteschön grad bar uf d' Chralä du meinsch dänn langsam hässig du chönisch nöd grad zahle vorwurfsvolli chalti Blick schlönd jetzt uf dich ii wer langi Haar häd schaffet nöd und häd kei Gäld debii und plötzlich wänd si diin Uuswiis gseh und dä isch ebe diheime im Portemonnaie ojehminee jetzt meined's du segsch schwer kriminell da stimmt doch öppis nöd mit dem lumpigä Gsell käs Billet kei Gäld das chasch eus nöd verzelä entweder jetzt oder uf äm Poschte muesch dänn redä redä redä ich sett jetzt also redä O.K. sälber gschuld ihr händ ja das so welä di alti Frau da näbe mir häd au keis Billet si häd dä Grosi-Vorteil dass sie so nöd uusgseht hingäge ich gsehne uus wienän laanghaarige ungwäschne arbeitslose lingge Haschisch-Fixer verdammt ich gseh's i eune Blick hüt bin ich eues Opfer s' Opfer händ er falsch gwählt will ich bin vill z' tapfer starch rotzfräch hässig jetzt däzue - Bang ich mache Wu-Tang nett bini gsii das isch verbii ihr gnüssed eui Position und sind am lange Hebel ich kämpf gäg eui Clichees mit ämene ganz churze Chnebel aber adie mässi Hebelgsetz ich hans eso satt ich bin dä David mit dä Schteischlepsä und du dä Goliath anstatt en Schtei schlüdere ich d' Wahrheit an Grind will mini Wahrheit stimmt und allne zeigt wien ihr würklich sind du wärsch so gern än Schmier kontrolliersch aber Billet du bisch halt würklich z' dumm z' chlii und z' fett so wie's uusgseht uf dim Auto chläbt en Fisch und "I love my Mercedes" häsch bedes gärn au dini Frau aber wänn si im Auto raucht dänn isch si ä - genau ich bin din Albtraum vomene Enkelsohn strecke dir de Spiegel is Gsicht voll spott und voll Hohn |