Atlantis

Lättä

Schtei

Tescht

Odyssee PL

Dä Dani vo Glattbrugg

Mannewält

Novämber

irgendwie irgendwo zwüsched da und det

irgendwie irgendwo zwüsched ego und Nirvana

bin ich ich bin ich mich - es isch mer ja eigentlich gliich

de Wäg isch no lang es isch gschiider wän i gang wän i gang

goge sueche nach em Afang

ich säge ja ich säge nei

d' Sune uf minerä Stirn surrt

ich gumpe uuf probier sie z' packe doch sie isch furt

ich säg villicht villicht i de nächi gschpüri Land

ich druck uf's Gas und Ziit rast

was wär jetzt wän ich abstand

Gfühl dunschtige Näbel bildet sich

es wird äng d' Gfühl multiplizieret sich

ich schnapp nach Luft sie frustrieret mich

ich wird nervös sie deprimiered mich

ich wirde bös sie planiered mich

mich zerrist's und zerfätzt's sie explodiered mich

ich stürze zum Spiegel ich stürze zum Spiegel

Nüüt

Nüüt de letschti Ascht isch furtgschwämmt

mis Aug vibriert mini Zunge isch wie glähmt

en Wasserfall im Chopf es Wäschpinäscht im Ohr

Adere wie Drahtseil ich ghör en Angelchor

D' Musig spilt uuf de Tanz gaat vo neuem los

en Dunnerknall en Blitzstoss

s' Tüpfli uf's X en Wirbelsturm im Wältall

en Uberschlag ich flüüge mitem Schall

Trampolin springä mitem Glace i de Hand

spilä mit em Füür mit em Chopf dur d'Wand

Autofahre mit aazogener Handbräms

Frisbee spilä mit verfuulte Totechränz

um d' Wält ume grännt mit aghaltener Luft

Breakdance i de Bischofsgruft

1000 Volt und zrugg mis Herz tanzt Cha-Cha-Cha

heiss und chalt für was bin i da

wo isch d'Antwort wo isch d'Antwort

Nüüt

Nüüt es lampet mer zum Hals uus

100 mal probiert und was lern ich druus

These Antithese aber nöd synthetisch

Traum und Würklichkeit alles isch identisch

Utopie isch effektiv Realität relativ

Ghirnström deschtruktiv Verwirrig superlativ

Normal isch alternativ schnuufe isch primitiv

Sälbschtzerstörig isch inschtinktiv

Ich bin demonschtrativ Ich bin demonschtrativ

Sofa und de Wecker spieglet sich im gfrorene Asphalt

D' Chrähe über de Dächer schreiet luut Alarm

Ich gleite duur de Dschungel min Schritt wird instinktiv

Bis ich's vor mir gsehn das farbige Massiv

En alte Maa wüscht d' Hoffnig vo de Strass

D' Uniforme fäget d' Wuet vo de Gass

A jedem Egge ghärtmer de Hass

Ja uf eusi Polizei isch halt Verlass

Däää

Momänt isch da s'Getöse fangt aa

En letschte Blick Atlantis isch am undergaa

D' Wälle ruuscht aa schlaat über de Dächer zäme

D' Wohlgroth versinkt d' Herze sind am bräne

Wieder da wieder sone Tat wieder sonen Scheiss

Wieder öppis und nüt wieder sonen Verschleiss

A Läbe en verschleiss a Philosophie

En Verschleiss a Gwalt und wieder verbii

En Verschleiss a Substanz en Verschleiss a Wort

En Verschleiss a eu sälber de Verschleiss isch Mord

Niemert wo d'Bräms zieht niemert wo das stoppt

Wieder emal hät sich Gäld mit Tummheit verlobt

D' Wohlgroth isch tot d' Wohlgroth isch tot

D' Wohlgroth isch und gänd Atlantis es Rettigsboot

D' Schlacht isch z' Änd Trutzburg isch nüme

Doch isch de Chrieg verbii und wer wird en güna

Meineder würkli das Ihr wüsset was jetzt d'Lösig seg

Das Ihr mit eurem Kurs i d'Wüschti fahred gsehnder nöd

Mit de Schufle und em Bickel us de Wält weggschafft

Mmerkeder nöd das no meh bruucht als reini Muskelchraft

Da chan ich eu nur ein Tip gäh und vergässet nie

Die beide Werchzüg uufzbewahre dänn ich gsehn scho wie

Ihr die wieder bruche werdet wil's schuscht nüme gaat

Um Atlantis uusz'grabe doch villicht isch's dänn z' spaat

alli sind happy judihui fallera

es isch tropisch füecht und heiss wie d' Nora

d' Hünd schwitzed unter und d' Mänsche hinter de Ohre

luscht uf Iis-T luscht uf Glace luscht uf Birchermüesli

luscht uf Party luscht uf Fleisch luscht uf Erdbeerchüechli

aber am meischte han ich luscht und vili anderi au

Wasser Limmat Lättä Himmel stahlblau

euses Lättä euses Lättä die beschti Badi vo de Wält

so vil Action für Ueberhaupt kei Gäld

Ae rissend starchi Strömig es tätscht di gäg de Räche

für die wo nüd wüssed wie de reinschti Chnochäbrächer

dur s' Loch und wieder zrugg hin und her

Vorwärtssalto Rückwärtssalto Handstand isch das schwer?

was frögsch so blöd ich glaub du kännsch eus nöd

mir sind d' Lättäkings und mached das mit linggs

en Sprung vo dä Brugg dur d' Höll und wieder zrugg

volle Teer und zimli roschtig aber immer wieder luschtig

und en Blick vom Stäg min Pfoschte isch bsetzt

he welä Fany hät da jetzt mis Vario verletzt

Ae ganz ä wüeschti Wuet im Buuch ich fange derb a schume

ich schwämm de Siech vo une her

und dem bliibt nur no s' Schtuune

hey Lättä you make me feel so good

en Duft vo Sunäöl d' Sunä brännt ganz extrem

Brätter vor em Chopf es liit sich ganz bequem

es schmöckt nach verbränntem Fleisch d' Hitz isch frapant

aber du weisch es git en Glaceliferant

de Kiosk isch bekannt und uf em Weg det hi

gsehsch die schönschte Mezns us em ganze Land

doch zum Wasser selber das isch en Hit

das riist di mit bliibsch fit ob d'willsch oder nit

am Räche unde bin ich im Element

scho 7 Mal under Wasser hin und her grännt

es isch gedige zum hänge am Räche fühlsch di wie än Star

und uf de Isebahnbrugg obe a dir fahrt en Wholecar(io)

und ich säg eu eis es isch kein Scheiss

eines Tages werdet au ihr im Lättä bade wer weiss

Alpamare hi Costa Brava her

s' Lättä schlat alles schlat härter als en Snare

drum Badhose packt oder au nöd

hauptsach es Badtuech susch wird's echli öd

d' S 14 gschnappt zum Lättä anegfätzt

suscht sind's dänn weg die letschte Plätz... im Lättä

Tramschiibe und ich sind klatschnass

und jetzt staht das Tram ellelang

i de Sune a de Hitz z'mitzt am Central

wäg de Sune wägem Glas

mis Wädli wird zum Mänschefrass

mim Schänkel da une saust grad's Läbe verbii

grilliert im Tram ich glaub ich spinn es bizzelii

doch s' Tram fahrt wiiter d'Station isch scho daa

ich stahne uuf druck de Chnopf und mach mich parat zum use gaa

Tür gaat uuf ich gumpe locker use

ich laufe über d'Brugg und chume diräkt is Gjufel

es Trottoir vole Chind und alli sind am schreie

tanze gumpe lache schupfe und am umegheie

ui das isch en Stress ich schliich mich schliichend dure

ich liege uf de Lättestäg als Frass für d' Summersune

d' Sune brännt obenabe ich gsehnä vili bunti Farbe

und dänke aber aber ui nei ui nei

Hits from the bong

Ich bin scho wieder Schtei

Ich lig uf dene Brätter mit de Auge zuekneift

mini Gedanke sind irgendwo Richtig Uebersee abgschweift

doch dänn gits plötzlich Schatte ich gschpüür es Lache i mim Nacke

Hä lueg au da de Knezn die miisi Ratte

au er isch da und will Spass ha vom Velo diräkt is Wasser gaa

alles staa und lige laa doch halt emal

Easy mann zerscht en Güff oder zwei

meinsch chunt das guet Knezn ich glaub ich bin scho Schtei

12 Minute spöter nach dere ganze Zeremonie

pflfplfplfplfplfplfplfplfplfpfl Ui das fahrt ii...?!

Als nächschts uf em Programm staht es Glace für min Mage

au min Mage schnallts halt de Meischter isch wieder Flade

Munchy Munchy ich räne d' Stäge deruuf

ich chume chuum deruuf und chume grad ächli usser Schnuuf

d' Schlange am Kiosk die hät kä Zää die hät kän Chopf

aber sie isch schweinisch lang ich bi scho en arme Tropf

ich warte und warte mini Bei schiist's langsam aa

de Asphalt wird heiss wieso luegt mich die Frau so aa

jetzt bin ich draa zum säge was ich z' säge ha

ich hed gern das Glace das da det nei das da daa

Hmmmhhm de Chueche villicht doch lieber dä

Nei de isch z' tüür ich chönt au nur en Is T näh

aber was sölls ich nimm doch alles zäme

wieso luegt mich die jetzt aa als wŠr ich dibidänä

Sie rächnet zäme es chosted 19.80

ich glaub ich ghöre falsch a de Börse hätt's soebe kracht

suech Hmmh peinlich mis Gäld das isch di Hei

Hits from the Bong

Ich bin ja scho wieder Schtei...

Was z' vill isch z' vill mir sind denn halt verschwundä

churz druf abe hämmer eus wieder gfundä

zum bruun werdä am See undä

de Knezn F-Shin Remis Michel ich und äh?

die ganzi Hordä vo dä Ligäblibär

Tschezn Redl meinets chumm mŠ rauched än Güff zämä

gesagt getan so isch es halt passiert

es hätt mi weggschmiert irritiert und schräg inschpiriert

wieso zum Bispiel schlaat mis Herz so fescht

ich hasse s' Opfelbütschgi jetzt findis s' Bescht

eine verzellt en Witz die andere findet en zum seiche

nur öpper i de Rundi grölt wie en Weiche

zwei verschiedeni Schue klaut de linggi druckt vo une her

schtei Schuhe chlaue isch relativ schwer

und dänn de Song da isch ja e Klass für sich

wer schriibt das tolle Lied vo i miis Ohr ineschliicht

was Janet Jackson? Redl aber nei

Hits from the Bong

Mir sind scho wieder Schtei...

das Läbe wo ihr läbed das läbed ihr vergäbe

s'isch alles nur en Bluff gsii en blöde Scherz

d' Lüg vo Liebe Sehnsucht Hass und Schmerz

s' isch alles nur en Traum gsii en böse

chömed dävo weg tüend eu devo löse

s' isch alles verbii fertig aus Ende Schluss

und das alles ohni Ranglischte und Siegerkuss

am Endi git's kei Gold Silber und Bluemechranz

es git kei Lob Orde und Freudetanz

es git kei Lohn Erbarme und Paradies

kei Triumpfböge und Unschuld isch nöd wiis

händ ihr würklich gmeint s' Gröscht und Schönscht segs Bescht

es tuet eus leid

Das isch nur en Tescht!

Wached uuf es git keis Ziil

es git keis 2. Männli bi dem Spiel

es git nüüt woner eu no dra chönted hebe

das händ ihr gnueg lang gmacht das isch es ja ebe

es git kei Versteck und kei Sucht

weli Droge für weli Flucht

es isch alles nöd wahr nei nöd Würkichkeit

niemer hät Schuld und niemer hät verseit

d' Wält isch kaputt und d'Luft isch grau

aber niemer vo eus macht die Wält zur Sau

Drooge Armuet Hunger überall

es isch nöd eusi Schuld es isch ja egal

Alptraum i dä Stadt uf de Strasse

was söll dänn das wer wird's sich's amasse

z' meine er heg d' Lösig das isch Utopie

alles wird guet es isch ja verbii

es git kei Widerwille und kei Protescht

es tuet eus leid

Das isch nur en Tescht!

mis Hirni isch no nöd uusgschaltet

Gwüssi säged seg veraltet

z' säge das mers nümm uushaltet

z' wüsse das es anderscht gaat

au ohni Bulle und Bürgerstaat

ohni Terror und Repression

und Uberwachig vom Telefon

1 – 8

de Kampf isch im tue es gaht um d'Macht

de Kampf um d' Befreiig sprängt jedi Nation

internationali Revolution

ohni Bonze und Funktionär

ohni Staatschutz und Militär

kei Ghirnwösch und kei uniformierti

kaschtrierti ghirnamputierti Bullesoi

kei Untersuechigsrichter und Bezirksawält

kän freie Markt kei Macht dur Gäld

kei Arbeitsfriede kei Streikverbot

kei Tränegas kei Gumischrot

1 - 8

Achtung Fertig Los jetzt git's Krach

mir mached eu Flach mir gäbed eu ufs Dach

s' Spiel bis zum Aendi spile bis zum Schach

Matt und blass gsehnder uus

PL isch im Huus eu fehlt de Pfuus

Mieti verweigere und d'Kündigung is Klo

Hüüser bsetze sowieso

kei U-Haft Knascht und Psychiatrie

gäge Herrscher gäge Nazis gäge d'Bourgoisie

gäge Staat und Kapital gäge s'Patriarchat

ali Macht em Proletariat

Propaganda mache und mobilisiere

i de Strass go demonschtriere

1 - 8

Eus Stuck für Stuck besser organisiere

d' Ziit isch z' schaad zum resigniere

mir müend eus scho sälber wehre

und us eusne Kämpf was lehre

bis es immer besser gaat

und früehner oder spöter

zerschlömmer de Staat

die eige Siite uufboue und Kämpf entfalte

d' Masse mached Gschicht mir lönd eus nümm uufhalte

Hip-Hop mached mir und sind luschtiger als Comics

die ganz primitive das sind mir

mal doof mal cool und öpemal bizzli wirr

immer ä bizzli andersch aber sicher nie gliich

rappe macht mich wild aber wahrschinli nie riich

mir sind luut wie 7 und mir fätzed wie 12

he PRIMITIVE LYRICS da hüüled sogar d'Wölf

härt und funkig und schnäll und soulig

suur wie Zitrone und süess wie Honig

mir bringed s' Gfasel nach Basel

mir mached Chaos in Laos

mir jaged Bern uf en Stern

mir lösched d' Gluet im Huet

mir bringed Sturm in Turm

und fätzed de Fisch vom Tisch

he PRIMITIVE LYRICS es isch halt wie s'isch

und wiiter gahts im gliiche Takt mit Rhymes und Beats wo s'Hirn zerhackt

und ohni Stop und ohni Halt mit Rhytmus bis de Chopf zerknallt

und ohni Rücksicht uf Verluscht vertriibed mir de Alltagsfruscht

Jawohl so gnadelos härt sind mir

Ae ganz brutali Mischig wie Schnaps Hasch und Bier

de Koni a de Drums schlaat alles churz und chlii

er isch oise Rhytmustüüfel mit emene Heiligschii

on the 2 Turntables diri DJ Kay-Zee

under sine schnälle Händ schmilzt jedes Vinyl

dr Alex am Saxophon blast das es Dächer lupft

und de Watezz luegt siin Bass 'chli aa

und weiss nöd rächt und zupft

d' Gitare verzerrt de Evil Ivo

gruusig groovig funkig hip hop ho

niemerd staht jetzt still und lost nur e bizzli zue

de Rhytmus gaht i d' Chnoche und de Groove diräkt is Bluet

gsünder als e Faschtekur mir buzzed eu dure

alles in Bewegig dank de gröschte Zürischnure

es tätscht und dröhnt und es chübled und chessled

ich weiss au nöd ich find's total entfesslend

he ihr da links vo Züri und Container sowieso

Achtung Fertig Los die primitive sind am choo

1 2 3 das wär's dänn scho gsii

4 5 6 mir sind im ähm tii vii

7 8 9 10 s' Beschte chunt erscht no

11 12 Stund am Tag ghört mer eus am Radio

aber alles isch erklärbar Gründ gits vill

alli wänd und bruuched eus will ...

s' nächscht Jahr macht er s' KV i dä Kreditastalt

tschute bim Club i de freie Ziit

er weiss es gnau wie die andere au det bringt er's nöd wiit

und hüt rägnet's sowieso

kei Luscht zum sich verschiffe lah

s'Training laht er us im Fernseh chunt nur Schtuss

aber da schau her uf em M T.V.

Räppers stei cool i de Hand en Uzi

schnälli Auto heissi Fraue und vill vill Gäld

jetzt schnallt's dä Dani das isch sini Wält

i de grosse Pause am nächschte Tag

er gaht zum Homeboy Beat lehnt cool an Haag

und redt ä bizli so als ob er alles scho weiss

Hip-Hop isch geil und Techno seg en Scheiss

Ok seit dä Beat gsehmer eus am Dunschtig Abig

am 9i vor em Globus dänn zeig isch dir was Sach isch

däDani dänkt nah und eis isch em klar

öpis muess er ha nämlich Adidas Superstar

und scheisse nonemal mit dere doofe Jagge da

chasch di ganz sicher nšd vor em Globus blicke la

churzi Red und lange Sinn

dä Dani gaht i d' Stadt und sin

letschte Schtutz isch hin

am 9i vor em Globus dänn dä Dani ganz nervös

aleige staht er det und ali lueget bös

agleit isch er gliich aber er ghört nöd däzue

wieso dänn nöd warum dänn nöd er hät doch super Schue

endlich chunt dä Beat jetzt isch alles klar

am Duschtig vor em Globus isch er en Superstar

zum Glück für de Dani kännt au er de Superstar

dä Schlüssel für die verschlossnig Tür trurig aber wahr

sit dem Dunschtig Abig isch au er jetzt ganz debii

Hip-Hop isch aagseit Fuessball isch verbii

reschpektiert wird er schnäll und au das isch zimli neu

nur öpis chlises fehlt halt no suscht bliibt er es Toy

en richtig derbä Raubüberfall müestis scho sii

so eine wie in Los Angeles Marke Eazy E

es bitzli schlechts Gwüsse und es komischs Gfühl im Mage

dä Druck isch halt doch grösser gsii dänn hät er zuegschlage

sini Homes füüreden a die Turnschue münd jetzt ane

dä ander en Chopf chliner gsii hät welä devoräne

dänn schlaht er so lang ufen i bis er nüme rännt

Jetzt schnallt's dä Dani das isch sini Wält

5 Mönät spöter das isch kei langi Ziit

am Dani sini Fründe findet das er übertriibt

Jugendlichi abeschlaa Chleider finanziere laa

trurig aber wahr das isch Danis Alltag

vorem Globus zellt er inzwüsche zu de 10 gröschte Fisch

keine schlaht so zue wie er disch disch

nur öpis chlises fehlt halt eifach doch immer no

es chlises wichtigs Detail für en echte Hardcore

i de Gang säged's scho lang probier's doch au emal

die Würkig vo dem Züg isch gar nöd so fatal

nur so ghörsch zum härte Chern bisch bekannt in Nah und Fern

bekannt wie en Popstern und sa wött er gern

hät er's halt probiert die erschti Folie inezoge

3 Mönät spöter merkt er si händ en aagloge

es isch halt würklich glatt gsi

und nöd bi eimal blibe

er sugt a sim Röhrli zieht sich's ine hät de Fride

aber nöd fŸr bsunders lang dänn chunt das komische Gfühl

s' Gfühl vo fertig Fride z' ha und dänn wird's plötzlich schwül

heiss chalt und wieder warm

es sticht im ganze Körper wie en ganze Bieneschwarm

er brucht das Züg jetzt meh kein Schtutz im Portemonnaie

langsam schnallt er's au jetzt isch's umen gscheh

verzwifelt und verchrampft er will weg mit aller Gwalt

Erscht jetzt schnallt's dä Dani das isch sini Wält... gsi

D' Manne regiered d' Wält mit em Mannegäld

D' Manne mached s'Auto wo dur d'Strasse füehrt

S' Auto wo eusnä Chind d' Luft abschnüert

D' Manne chönd alles und d' Wält mag nüme mit

Doch d' Manne mached d' Chind happy sie mached Spielsache

Nur Sache wo krached mached d' Buebä z' lache

Autos Gwehr und Panzer alles was dä Bueb will

Das bruucht de Maa und vom Gäld möglichscht vill

Und nachdem de Ma alles gmacht hät alles gmacht für d' Macht

Macht er s' grosse Gäld egal wie fescht das kracht

Egal was kabutt gaht egal was zerstört

Nur eis isch wichtig das es am Mannsgöggel ghört

Au ihr wüssed' s gnau das isch ä mannewält

D' Manne regiered d' Wält mit em Mannegäld

S' isch e Mannewält

He Mann ich han hüt Moge Zitig gläse

Wo n' ich fertig gsi bin han i nüme wellä z' Morge ässe

Es flaus Gfühl im Mage ich dänke nah

Hoffentlich o hoffentlich wird ich nie so en Maa

Züri sächsi z'abig im Shopville

Niemerd hät nüt gseh alles bliibt still

Vier Manne händ sich vorher grad e Frau gno

Sie händ sie halt wellä und au Übercho

Zeigt wer de stärcher isch zeigt wer Befehl erteilt

Ganz nach em Motto schmuse bumse Faschingszeit

Entschuldigung liebi Frau s' isch doch alles klar

Sie händ ja schliesslich de Minirock agha

Ich han Zitig gläse und d' Sunne hät gschune

Doch s'isch dunkel gsi um mich umä

S' isch e Mannewält

He Mann ich han hüt z' abig Fernseh gluegt

Hoffnigslos trurig gränzelosi Wuet

Vo Ex-Jugoslawie händs Bilder zeigt

Toti und verletzti vom Schlachtfäld treit

Wieso das sichs verschüüsed das weiss ich nöd genau

Doch das chunt vo es paar Manne und nöd vo de Frau

Au de schwarzi Kontinent wird vo de Männer verbrännt

Wissi wänd kei Schwarzi Rasse werded trännt

Hungerndi Chind stönd da mit leerä Händ

Mit Chrieg macht mer Gäld das händs erkännt

Ich lueg nach Oscht ich lueg nach Wescht und villicht wär s' Bescht

Wenn s' andere gschächt s' Wort het ich meine s' letschst

Simer doch erlich schlechter gaht's nümme

Mit neuem Weg zum Alte z'rugg mir chönd nur no günne

He Mann ich han hüt z' abig de Fernseh abgstellt

Im dunkle han ich 's gseh alli Blueme sind verwelkt

Rund um die ganz Wält isch mer eis ufgfalle

D' Manne ziend am Abzug vo de Knarre

S' isch e Mannewält

De Bischof Haas hätt sich eine obenabe... Peep!

De Staatsawalt ermittelt gäge churer Pornorocker

De Pfarrer hauts vom Hocker und findet die füehred d'Zunge z'locker

De Pirmin wird Papi Papi Pirmin ganz stolz

Fottene uf Siite 2 näb de Frau mit vill Holz

Vor de Hütte und immer en tolle Spruch

Lieber en Maa mit musklä als eine mit Mundgruch

Sexskandal im Königshuus

Prinz Flatterohr ganz Hardcore

Gruusigi Wort am Telefon aber nöd mit em Mami vo sim Sohn

Charles aber nei au das choscht diin Thron

Monschter underwägs Busemörder schlaat zue

Iseschtange Tierliquäler schändet nachbar's Chue

Au de Chappi jetzt Papi zum glück en Sohn

Die gschtüürti Produktion vo de nächste Stürmergeneration

Jetzt exklusiv Madonna splitternackt

Iifersucht bi Ehekrach Penis abghackt

Ökochaote 1000 Pneu uufgschlitzt

Sadomaso Babyquäler sitzt

Babyquäler hi und Babyquäler her

7 Tag nonstop Babyquäler everywhere

Asylantepack hät Räntner abegschlage

Und endlich gaht de Dreher de Grüene an Chrage

Blickzgigädibum mängmal ischmers drum

Wäg mit dere Ziitig die Ziitig isch z'tumm!

Die meischt verchaufti Ziitig es isch fascht näd zum glaube

D'Mane läsed mit em Schwanz und glänzend füechte Auge

S'Hirn abgstellt und s'Gwüsse wegglegt

He hauptsach Mann es isch öpper verreckt

Gschtüürt vo de Triib und giggerig nach Sensatione

He Wahnsinn es Fotti vo de Fergie obenohne

Belanglose Quatsch und ihr fahred voll druff ab

Nur wiiter so das haltet Ringiers Wirtschaft voll uf Trab

He Lüüt mached d'Auge uuf säg merked ihr das nöd

Die Wixxxer vo de Redaktion verchaufed eu für blöd

Die zelled uf eui Dummheit und nützed eu uus

Leider Gottes gaht die Rächnig voll uuf

Blickzgigädibum mängmal ischmers drum

Wäg mit dere Ziitig die Ziitig isch z'tumm!

Gschribe wird nur das wo vo de Lüüt gläse wird

Hauptsach das das züüg i eune Chöpf umeschwirrt

Wer sind jetzt die Tumme die wo s'schriibed oder läsed

D'macher nützet's uus d'Idiote wo das frässed

Zu dene jetzt gäg die sich miin Rap da richted

Die wo us heiterem Himmel Gschichte dichted

Die wo mit Katastrophe viil Gäld mached

Und bi tote Rockstar gäldgierig lached

Die wo schweinisch Freud händ wänn es Flugzüüg explodiert

Oder halb Hollywood a AIDS krepiert

Die wo mit Schlagziile all die Faschos uufhetzed

Und gäge Greenpeace d'Mässer wetzed

Du Fridolin und de Rescht vo de Redaktore

Lönd eu eis gseit sii und schriibeds hinder d'Ohre

Was ihr da so schriibed verintriiged und so triibed

Das isch rücksichtslos chopf- und belanglos

Da isch PRIMITIVE LYRICS mir lueged nüme zue

Eus platzt bald de Chrage und wänn's gnueg isch dann gits Ruhe!

Ich läbe in Züri sueche nach mim Läbessinn

Ziit vergaht in grau öppis druckt abe

De Hochnäbel grabt s'Tüüf usem Summergrabe

S'Dunkle taucht uuf wie jedes Jahr

Pünktlich um die gliichi Ziit macht's mir klar

Es klärt glasklar es öffnet de Vorhang

S'Dunkle rüert mi obenabe und stellt mi wieder an Aafang

De Himmel isch am brüelä truurig und verhange

Alleige isch er nöd nei es hebt em öpper d'Stange

D'Bäum sind Skelett Blätter ligged tod am Bode

Ich ligge im Bett mit de Auge wiit offe

Vill z'vill Gedanke Gfühl und Frustration

Was isch dänn los mir gaht's doch guet naja obschon...

Was obschon was willsch dänn meh d'Erlösig vo de guete Fee

He die gueti Fee gitts i eusere Wält niened meh

Jetzt stahni i de Sackgass d'Verwirrig griift i Mehrzahl aa

Sie schüsst mit scharfe Fraage und laht sie nacher staa

Isches de Wäg zrugg oder mit em Chopf dur d'Wand

Alles schiint unklärt gäbed mir Abstand

Novämber Novämber

Drum

Furt vo da straight to Fuerteventura

Flucht 4 Stund spööter und scho stahni da

Chlöpfzgigädibum vill z'schnäll zum das no z'tschägge

Zwei verschiedeni wälte die einti Stress die anderi Friede

Ich find die mit em Friede und blieb det bizzli lige

De Himmel tuet sich kläre de Chopf entläre

Es schiint als ob de Wind all mini Problem wegwindet

D' Vögel Über mir da fröhlicher singed

De Sand under mir mich wieder zum Lache bringt

S'guete Gfühl dank Sune obenuufschwingt

Und dänn plätzlich Klick d'Euphorie isch verbii

De dunkelgrau Novämbervogel holt mi wieder ii

Das wär's dänn gsii er stellt sich vor d'Sune

Er wirft en dunkle Schatte er weiss er hät gunä

Usem Schatte wird Nacht jetzt gsehni die erschte Sterne

Irgendöpper will das ich irgendöppis lerne

Die Sterne verpassed mir ä Uberdosis Frage

Chönd ihr das verstah es fangt dänn afa naage

S'Wältall seg unändlich d'Sterne chasch nöd zelä

Wer hätt das gmacht und wänn was hätt's demit welä

Wie söll ich das verstah es Universum volle Wunder

Anderi verstönds no weniger und das macht mir Chummer

Mier laufed richtig Sackgass Gäld Macht Profit

Warte ufs grosse Los bringt eus nüme bsunders wiit

Hütt rächni ab mit de mänschliche Evolution

Niemerd interessiert's min Film lauft ohni Ton

Die Gstrandete die Gächtete nur die wänd d'Revolution

S'boot stüürt wiiter Kurs Frontalkollision

Novämber novämber

Uuszelt bini i de Seil wachi uuf

De Kampf isch brutal gsii ich ringe mit em Schnuuf

Es blitz im Chopf und es dunneret im Mage

Wieder emal ohni Warnig hät de Novämber zuegschlage