Druck vo allne Siite Musig: PL / Lyrics: Redl & Baumee
1 2 oh min Gott sapperlott ich säge Koni gib mer dä Beat Dä Beat wo ich wott Es isch Ziit für eus zum völlig durestarte Nämed eu in 8 Lüüt es chönnti usarte Mir mached Druck vo allne Siite Ich säge frässed di Riiche D‘ Lyrics chunnt nöd z‘ schliche Nei sie chunnt z‘ fräse mit 100 m/s Mir rissed hüt kei Fraue uf sondern die alte Wunde Dänn verteiled mer es paar Und gwüssi Lüüt müend undedure Sie holt uus und schlat zue En Gruess vo dä Zürischnure Mir mached meh Druck als die kahlrasierte Vollidiote Ich rede vo dere Sorte Wo weniger Hirn häd als Haar uf em Chopf D‘ Glägeheit bim Schopf packt En Rundschlag gäg ali wo so stolz sind uf reins Bluet Du häsch kein Grund dezue guet Bin schliesslich au nöd stolz uf min Ellboge will Cha gnau so wenig defür das ich 2 vo dene han oder äh Ich nime a du chunsch jetzt nüme na Drum stoppi da und redi nüme witer S‘ isch Ziit für dä Druck vo allne Siite Mir chömed zrugg schnäll wie verruckt Und mached na meh Druck Na meh Druck als die 4. Mahnig vo dä Stürbehörde So viel Druck es isch scho fascht gschtört he und eh Häsch scho mal öpper gseh wo ämene Druck vonere 35 Tonne schrottpräss chan standhalte rüer eus dri mir chömed use frisch wie aus dem Ei gepellt stärcher als d‘ Sune wo di verbrännt und nachher schellt ohni Seich verzellt Jetzt chunnt dä Megagloon mit em Megaphon Chasch nöd vo mir erwarte das ich irgendöpper jetzt verschon Jetzt cunnt dä Schmättertakt wo fescht id Brätter hackt Das isch dä Takt wo jede zämesackt wills en packt Jetzt chunnt de Rescht und git sis Bescht für eusi Gäscht Mir spilled die schönschte Tön a mit em Beat wo uf dich idrescht Wehrlos stahsch da und muesch der gfallelaa was mir tüend uselaa Aber mir lönd nöd na los zue und tue di ga laa Schamlos wirsch ufghetzt eusem Druck usgsetzt Gumpe gumpe wer sich bewegt wird nöd verletzt Dänn jetzt wird Gas geh beschleunigt gumpf und ighänkt Dä Wi wird rein igschänkt Dänn jetzt chunnts uus wer no mag nach eimal Dänn jetzt chunnts uus wer no mag nach zwimal Dänn jetzt chunnts uus wer no mag drümal Bim vierte mal chunnt au dä stärchschti zum Fall Du bisch bewusstlos schwebsch weg durs Universum Häsch Wortbrocke i dä Ohre aber dis Hirn drüllt jede Vers um Ohni Orientierig schwebsch dur s‘ All bis zumene goldige Tor Chunsch inen Ruum überall Redli s‘ Wältdrucklabor Es zieht di witer triffsch uf e Gschtalt im Flur Dä Weltdruckmeischter gsehsch es a dä Halbinüniuhr Meinsch segsch am Ziel segsch erlöst aber s‘ gaht erscht richtig los Dä Druckmeischter zieht amene Rad total erbarmigslos Er drüllt uf dis Hirn vibriert din Chopf isch am dampfe Dä Schweiss lauft der literwis dis Herz isch am stampfe Fangsch a schüme dini Adere schwelled a bis zum Platze D‘ Auge druckts der usem Chopf meinsch segsch am abchratze Fangsch a umegumpe gnau wie dä druckmeischter das will Ringsch nach Luft und schreisch"das isch z‘ vill!"
|
