Einhändig
Musig: PL / Lyrics: Redl & Baumee Chlopf chlopf es chlopfd a de Tür Wer stört mich da am morge früeh das isch mer nöd so ghür Vor dä Türe staht dä Früehlig mit eme Sack voll Hormon Besser als d‘ Bulle naja obschon Ohni öpis z‘ säge lehrt er mer dä Sack über dä Chopf Ich bin am triefe tropf tropf Völlig nüme ganz mine zimili härte ..Arm Schwing ich mich ufs Velo und begägne dem Schwarm Junge schöne Fraue Ich glaube mini Auge händ mich grad verrate Mr. Horny chan nüm warte Drum adie mässi peace dä klassisch Abgang dur d‘ Mitti So än Wixer häd mis Velo gchlaut drum laufi jetzt i’d City Ich laufe und laufe und laufe immer wiiter Ich bin sozsäge läufig dä möchtegern Riiter Plötzlich ui das H&M-Plakat macht mi grad chume nüme devo weg Silikon oder Wonderbra? Kei Ahnig gha Defür -stoc- mit em Chopf i’d Laterne Die Erregung ist weg gsehn kei Brüscht me nur na Sterne Aber du chasch mir glaube ich verzell dir da kein Scheiss 10 Sekunde schpöter bini scho wieder nöd ganz heiss aber gnau wie Nachbars Lumpi mini Hormon gumped ume wienen Gumpiböle Was sell ich dir verzellä ich han halt eifach welä Ich han so fescht welä es isch scho fascht gföhrlich gsi Hey Müetere gschlüssed eui Töchtere i will Dä hirnlos potenzgschtürti Böckel isch underwägs Aber kei Angscht Ladies alles nume blöds Gschätz Ich bin eine vo dere Sorte wo es "Nei" respektiert Kapiert ich gange hei und zwar eleige 5 gäge eine Weisch wieni meine? Ue und abe (3x) Oh ich glaub ich bade im Champagner Es chribelet im ganze Körper D‘ Arschbagge chlämi zäme d’Zeie chrümed sich Langsam chunts s‘ End vo derä Gschicht Dä Startschuss isch gfasse d‘ Spermie sind am Räne Ich rucke und zucke zackig würdsch mi nüme käne Vollig dibi-däne d‘ Erlösig isch da Alli wänd und sueched si aber ich han si gha Zimlich erlöst und sehr fescht hungerig Verlani wieder s‘ Hus mir isch‘ s zwar na chli schummerig Sitze in Bus fahr id Stadt um öpis z‘ ässe Um uf anderi Gedanke cho doch das chasch vergässe Ich hoch ab und merk plötzlich vis a vis Hocht ä Frau wo mir sehr gfallt und merk dass sie Mich aluegt und genau weiss was ich dänk Usgliferet hocki da und da hämmer s‘ Gschänk Min Chhopf wird rot und sie lächlet mich a Ich lächle verläge zrugg so guet das i cha D‘ Situation spitzt sich zue s‘ wär Zit zum öppis z‘ säge Vilicht über s‘ Wätter über dä durendi Räge Nei das wär z‘ billig nöd so öppis kitschigs S‘ mues öppis gschids si und au öppis witzigs Oder über min Ferrari oder mis eigne Hus Nöchschti Station sie staht uf und stigt us Grad no mal devo cho aber nanig ganz dus Sind nämli 5 Fraue igschtige i dä Bus S‘ isch zwar komisch aber vilicht lits am Föhn Die Fraue sinds zwar nöd aber ich find ali schön Oh sofort hani reagiert und dä Tagi gno Ha gschämt afa läse über Politik und so Dänn s‘ isch wichtig sötigi Zämehäng z‘ verstah Ich dreihe d‘ Site und da lacht mich die neuschte Bademode a Unbeirrt lisi witer über Chrieg und Gäld Was suscht na so abgaht uf dere Wält Informier mi was hüt so dä Bürger plagt Ou die hütig Bademode isch eigentlich scho no gwagt Nach längerem Studium han ich dänn d‘ Zitig weg ta Dänn hüt isch speziell schwierig Zämehäng z‘ verstah Ich luege uf und dänk das cha nöd si Ich weiss nüm won i bi s‘ gseht us wie z‘ Rimini All Fraue stönd i dä neuschte Bademode da Es paar oben ohne es paar händ gar nüt me a Gnueg jetzt langts sofort use us dem Bus Ich räne hei und dänn chunnt was cho muss
|
