Uf de Luur
Musig: PL / Lyrics: Baumee
Ich sitze im Dunkle, ich ligge uf de Luur
beobachte diich und warte rund um d' Uhr
ich warte bis'd usechunsch du wirsch dä Fehler mache
dir ghört dä Siig mir ghört d' Rache
ich fordere Vergältig du wirsch däfür bezahle
du wirsch schreiä vor Pein und das wird mir gfalä
du weisch dich in Sicherheit doch du meinsch du weisch
äs brännt unter miine Negäl biss s'sich schlönd i diis Fleisch
ich stell mir grad vor wien ich dich zefätze
du wirsch um Erbarme flehe doch da bisch am lätze
du wirsch bättle und flehe doch das wird ich nöd ghöre
du wirsch lätsche und brüele doch das wird mich nöd störe
ich wird mich nüme gingge laa vo dir das chasch vergässe
stattdessä wird ich dich mit Huut und Haar uffrässe
irgendwo häts click gmacht dä Schalter dune und abbroche
ich han durscht nach dim Bluet mini Kehle isch ganz troche
äs git keis Zrugg ich han dich da druf wart ich nur
Ich sitze im Dunklä ich ligge uf de Luur
Du Monschter du häsch ja Ohre wie dä Blocher
ä Nase wienä FA-18 Sex mit dim Auto noch und nocher
du stinksch wienän Skinhead häsch O-Bei wienän Schmier
vergilbti Huut wiene Bundesfiche i dine Aadere flüsst Bier
du häsch en IQ wie än Plattetäller bisch dümmer als ä Cherze
dänn die isch heller als du mir isch's nöd zum scherzä
du häsch en Ligestuehl am Fänschter din Fäldstächer häsch gern
unter diim Markeshirt steckt än Scheriffstern
du möchtsch all Usländer abschlah all Drögeler a d' Wand
meinsch 117 seg di Dargebotene Hand
du wirsch schmoore vilicht nöd i dä Höll aber uf mim Füür
ich wirde d'Wält befreiä vomene gruusigä Gschwüür
Du häsch drü Fernseh äs Blick-Abo und ä Frau zum butze
choche cha sie au suscht isch's ä dummi futze
du hassisch all und all hassed dich
nur will's niemert säge drum säg's jetzt ich
hüt gits äs riise Fäscht hüt haui über d'Schnuer
Ich sitzä im Dunkle ich ligge uf de Luur
Lass dir nur Ziit tue nöd zittere vor Schreck
ich han mich langsam aagfründet mit mim Versteck
ich fühl mich wohl so wohl wie na nie
pressier nöd bald isch alles verbii
äs gaht nüme lang dänn werded mir zwei eus begägne
du häsch scho gmeint dass s'ufghört häd rägne
ich säge ich säge Hände hoch, lass diis Portemonnaie la fallä
was ich vo dir will das chasch du eh nöd bezahle
du seisch äs duet mir leid ich machs nie wieder
mir chömed d' Träne vor Rüehrig doch dasmal bini gschiider
du seisch hör uuf äs cha ja jedä Fehler mache
ich lueg dir tüüf i'd Auge und fang dänn afa lache
du seisch wart du nur ich cha dir alles erkläre
ich säge Pschschsch jetzt wird ich dich mal belehrä
du seisch hör uuf jetzt findi's nüme glatt
ich han dich no nie glatt g' funde und jetzt ha di satt
euse Schwätz isch z' Änd du stahsch mit äm Rugge gäge d' Muur
Ich sitze im Dunkle ich ligge uf de Luur